Elge Ázerbaıjan azamattarynyń jaqyn týystary men olardyń otbasy músheleri kire alady, dep habarlaıdy Egemen.kz Kaz.tengritravel.kz-ke silteme jasap.
Shekarada olar týystyǵyn rastaıtyn qujatty jáne elge kirgenge deıin 72 saǵattan keshiktirmeı jasalǵan PTR-testiniń teris nátıjesi bar anyqtamany usynýy kerek.
Týrıster vaksınasııalaýdyń tolyq kýrsynan ótkeni týraly sertıfıkatty nemese koronavırýspen aýyrǵanyn kýálandyratyn anyqtamany kórsetken kezde respýblıkaǵa kire alady. Sonymen qatar teris PTR-testin usynýy qajet.Bul talaptar tek eresekterge qoıylady. 18 jasqa deıingi balalarda teris PTR-testi bolýy jetkilikti, al 1 jasqa deıingi balalarǵa tipti ony júrgizý qajet emes.
Eske salaıyq, buǵan deıin elge kirý úshin Ázerbaıjan mınıstrler kabınetiniń opershtabynan ruqsat alý kerek bolatyn. Endi ruqsat nemese vıza qajet emes.