Sońǵy úlgidegi kameralyq qaqpandar Almaty oblysyndaǵy Ile ózeniniń ańǵarynda ornalasqan Altyn-Emel ulttyq parkine ornatyldy, dep jazady Egemen.kz.
«Jaqynda «Altyn-Emel» ulttyq saıabaǵynda ekspedısııa ótti, oǵan Aq barys qorynyń atqarýshy dırektory Arman Qashqynbekov qatysty. Saıahat kezinde sońǵy úlgidegi kameralyq qaqpandar ornatyldy. Sondyqtan biz eksklıýzıvti materıaldy alamyz dep úmittenemiz, ony jaqyn arada abonentterimizben mindetti túrde bólisemiz», dedi qordyń baspasóz qyzmeti Facebook -te.
Esterińizge sala keteıik, buǵan deıin eresek bir bars «Kólsaı Kólderi» ulttyq parkinde ornatylǵan kameralyq qaqpannyń obektıvine túsken bolatyn. Osyndaı fotoqaqpandardyń kómegimen Zoologııa ınstıtýtynyń zoologtary men Ulttyq parktiń ǵylymı bóliminiń mamandary sırek kezdesetin kadrlardy alýǵa qol jetkizgen bolatyn.