«Rýhanı jańǵyrý» qazaqstandyq qoǵamdyq damý ınstıtýtynyń Otbasy ınstıtýtyn zertteý ortalyǵy Otbasy kúnine oraı ótkiziletin respýblıkalyq vıdeorolıkterdiń onlaın konkýrsy jóninde aıtty. Qazaqstanda bıyl atalmysh mereke qyrkúıektiń 12-de atalyp ótetin bolady, dep habarlaıdy Egemen.kz.
Beıneolıkterdiń onlaın konkýrsy eki baǵyt boıynsha uıymdastyrylatyn bolady: otbasy qundylyqtaryna baılanysty «Otbasy qundylyqtarynyń sandyqshasy» jáne balalarǵa arnalǵan ertegiler boıynsha «Ertegiler álemi». Ár baǵyt boıynsha jeńimpazdarǵa arnalǵan júlde qory 100 myń teńgeni quraıdy. Konkýrs tamyz aıynyń 9 men qyrkúıek aıynyń 9 aralyǵynda ótkiziledi.
Konkýrsqa qatysýshylar 1-3 mınýttyq beınerolıkte óz otbasynyń qundylyqtary men dástúri jóninde nemese balalarǵa arnalǵan ertegi túrindegi qysqa beıneónim usyna alady.
Barlyq beıneónimder resmı saıt pen QQDI-diń barlyq áleýmettik jelilerinde, ıaǵnı arnaıy Instagram jáne Facebook jelilerinde ashylǵan @kiorotbasy2021 paraqshalarynda #kiorotbasy2021 #kıorsemıa2021 heshtegterimen ornalastyrylady. Onlaın konkýrstyń jeńimpazdary Instagram jelisindegi ornalastyrylǵan vıdeonyń astyndaǵy jınalǵan laık sanymen onlaıyn daýys berý arqyly anyqtalady.
Vıdeorolıkter konkýrsynyń qorytyndysy 2021 jyldyń 10 qyrkúıeginde belgili bolady.