О́tken demalys kúnderi Aqmola oblysynda bes adam sýǵa ketti, onyń ishinde ekeýi - balalar. Qaıǵyly jaǵdaı Stepnogorsk qalasynda, Selınograd, Sandyqtaý aýdandarynda bolǵan, dep habarlaıdy Egemen.kz.
21 tamyzda Sandyqtaý aýdanynda - Lesnoe aýylynan bir shaqyrym jerde 2008 jyly týǵan qyz ózenge batyp ketti, ol anasymen birge ózen boıymen júrip, jartastan sýǵa batyp ketti. Sol kúni 16 jastaǵy jasóspirim Talapker aýylynyń shetinde sýǵa batyp ketti.
Taǵy úsh jazataıym oqıǵa Stepnogorsk qalasy men Selınograd aýdanynda boldy. 46 jáne 29 jastaǵy er adam, 42 jastaǵy áıel adam qaza tapty. Qaza tapqandardyń barlyǵy shomylýǵa jabdyqtalmaǵan jerde sýǵa batyp ketken. Kýágerlerdiń aıtýynsha, olardyń ekeýi mas bolǵan.
Demalys kúnderi Zerendi kólinde alty adam, Býrabaı kólinde qaıyǵy buzylyp qalǵan eki adam qutqaryldy.