Shymkentte «Nurly jer» memlekettik baǵdarlamasy aıasynda 2023 jyly halyqty 100% taza aýyzsýmen qamtamasyz etý josparlanýda, dep jazady Egemen.kz.
Osy mejege jetý úshin eldi mekenderge tıisti ınfraqurylymdy jetkizý boıynsha jospar bekitilip, jumystar júrgizilýde.
Búgingi tańda qala turǵyndaryn ortalyqtandyrylǵan sýmen jabdyqtaý kórsetkishi 95,6%-dy quraıdy. Iаǵnı, qaladaǵy 81 eldi mekenniń beseýi kestemen, jeteýi tasymaldy aýyzsýmen, al 69-y sapaly aýyzsýmen qamtamasyz etilgen.
«Osy jyly 3 magıstraldy sý qubyry, tasymaldy sýdy paıdalanatyn 7 eldimeken jáne aýyzsý kestemen beriletin 2 eldimekenniń qurylysy aıaqtalyp, 25,6 myń adam sapaly aýyzsýǵa qol jetkizedi. Nátıjesinde, qamtylý kórsetkishi 98 paıyzǵa ósedi», dep habarlady qala ákimdiginiń baspasóz qyzmeti.
Shymkent qalasynyń Soltústik Batys bóliginde ornalasqan eldi mekenderdi aýyz sýmen qamtý maqsatynda jalpy uzyndyǵy 30 shaqyrymnan astam bolatyn úsh magıstraldy sýaqqynyń qurylysy júrgizilip jatyr.
Atalǵan magıstraldy sý qubyrynyń qurylysy aıaqtalsa Asar-2, Dostyq, Soltústik saıajaı, Yntymaq, Yntymaq-2, Batys, Qyzyljar, Igilik, Jańatalap, Táýelsizdikke 20 jyl, Kókbulaq turǵyn alaptary, ıaǵnı onda turatyn 50 myńǵa jýyq turǵyn tolyqqandy sapaly aýyzsýmen qamtamasyz etiledi dep josparlanýda.