Prezıdent Sadyr Japarov Qazaqstan Prezıdenti Qasym-Jomart Toqaevqa áskerı bólimdegi jarylystan adamdar qaza bolýyna baılanysty kóńil aıtty, dep habarlaıdy Egemen.kz.
«Adam ólimine ákep soqqan jarylys týraly habardy zor kúızelispen qabyldadym. Qyrǵyz Respýblıkasy halqynyń jáne jeke ózimniń atymnan qaza bolǵandardyń týystary men jaqyndaryna kóńil aıtamyn.
Qaıǵyly oqıǵalarǵa baılanysty zardap shekkender tezirek saýyǵyp ketýin tileımin. Biz orny tolmas qazanyń qaıǵysyn birge bólisemiz», delingen Qyrǵyzstan prezıdentiniń jedelhatynda.
Aıta keteıik, Jambyl oblysyndaǵy jarylystardan qaza tapqandar sany 5-ke jetkeni habarlanǵan bolatyn. Buǵan deıin Baızaq aýdanynda ornalasqan áskerı bólimdegi jarylystardan qaza tapqan tórt áskerı qyzmetker týraly tolyq aqparat jarııalanǵan edi.