29 tamyz jeksenbi kúni tańǵy saǵat 10:00-de elimizdiń barlyq meshitterinde Jambyl oblysyndaǵy jarylysta qaza tapqandardyń rýhyna baǵyshtalyp Quran hatym oqylady, dep habarlaıdy Egemen.kz QMDB baspasóz qyzmetine silteme jasap.
«Jambyl oblysynyń Baızaq aýdanynda oq-dáriler qoımasyndaǵy órt pen jarylystardyń saldarynan adamdardyń qazaǵa ushyraýy - elimizdiń basyna túsken aýyr synaq, barsha qazaq eliniń qabyrǵasyn qaıystyrýda. Osyǵan oraı 29 tamyz jeksenbi kúni tańǵy saǵat 10:00-de elimizdiń barlyq meshitterinde Jambyl oblysynyń Baızaq aýdanynda oq-dáriler qoımasyndaǵy órt pen jarylystardyń saldarynan adamdardyń qazaǵa ushyraýyna baılanysty olardyń rýhyna baǵyshtalyp Quran hatym duǵasy oqylady», delingen habarlamada.
Eske salsaq, QR Prezıdenti Qasym-Jomart Toqaev 29 tamyzdy Jalpyulttyq aza tutý kúni dep jarııalady.