Jańa oqý jyly qarsańynda Qazaqstan strategııalyq zertteýler ınstıtýty 6-18 jas aralyǵyndaǵy mektep oqýshylarynyń ata-analary jáne qamqorshylaryna telefon arqyly saýalnama júrgizdi, dep jazady Egemen.kz.
Saýalnamaǵa tamyzdyń 16-sy men 22-si aralyǵynda elimizdiń barlyq aımaqtarynan, 14 oblys pen respýblıkalyq mańyzy bar qalalar Nur-Sultan, Almaty jáne Shymkentten 1200 respondent qatysty.
Saýalnamanyń negizgi nátıjesinde myna jaıttar anyqtaldy.
Ata-analardyń kópshiligi oqý prosesin dástúrli formatta uıymdastyrýdy jón kóredi, oflaın formatqa qaıtyp kóshý úshin ata-analar bilim ordasynda sanıtarlyq talaptardy tolyqqandy saqtaýǵa daıyn.
Ata-analardyń 2/3 bóliginen astamy mektep ǵımaratyna "Ashyq" qosymshasy arqyly kirý talabyn qoldaıdy.
Ekpeniń túrin tańdaýdy usynǵan jaǵdaıda saýalnamaǵa jaýap bergen ata-analardyń 19,6% óz balasyna ekpe saldyrýǵa daıyn.
Balalarǵa ekpe salýdan bas tartýdyń negizgi sebepteriniń biri - balalarda sátti synaqtan ótken ekpeniń bolmaýy.