Jambyl oblysynda 11 kólik qaqtyǵysyp, jappaı jol-kólik oqıǵasy oryn aldy, dep habarlaıdy Egemen.kz.
Áleýmettik jelilerde Jambyl oblysyndaǵy tas jolda bolǵan aýqymdy jol-kólik oqıǵasynyń vıdeosy paıda boldy. Kýágerler zardap shekkenderdiń sany onnan asqanyn aıtady.
Jambyl oblysy polısııa departamentiniń baspasóz qyzmeti apat 30 tamyzda Batys Eýropa-Batys Qytaı tas jolynyń 93-shi shaqyrymynda bolǵanyn habarlady. Apattan 11 kólik zardap shekti.
Birneshe adam túrli dene jaraqatymen aýrýhanaǵa tústi. Qazirgi ýaqytta 345-bap, 2-bólim «Kólik quraldaryn basqaratyn adamdardyń jol qozǵalysy nemese kólik quraldaryn paıdalaný erejelerin buzýy» boıynsha sotqa deıingi tergeý bastaldy.