Almaty qalasynyń ákimi Baqytjan Saǵyntaev jańa yqsham aýdandardaǵy, sondaı-aq negizgi jáne shetki joldardyń qurylysy men jóndelýi týraly aıtty, dep habarlaıdy Egemen.kz.
«Joldy jaqsartý boıynsha aýqymdy jumys jalǵasady. Jańa jol salyp, bar joldy jóndep, uzartyp jatyrmyz. Jaqynda Alataý kóshesiniń Sábdenov kóshesinen Raıymbek dańǵylyna deıingi 2 shaqyrymdyq ýchaskesi ashyldy. Tórt jolaqty jol Naýryzbaı aýdanynyń ákimshilik ortalyǵyn qalanyń iri magıstralimen baılanystyrdy. Abaı dańǵylyn tesý aıaqtalǵan soń qala ortalyǵymen kólik qatynasy edáýir jaqsarady», dep jazdy qala ákimi óziniń Instagram paraqshasynda.
Aıta keteıik, «Jańa Almatyny» damytýdyń keshendi jospary aıasynda Alataý, Túrksib pen Naýryzbaı aýdandaryna qarasty segiz yqsham aýdanyndaǵy 415 kóshede 108 shaqyrym jol salynyp jatyr.