Bul týraly Densaýlyq saqtaý mınıstri Alekseı Soı Úkimet otyrysynda aıtty, dep jazady Egemen.kz.
Memleket basshysy Densaýlyq saqtaý mınıstrligine bıoqaýipsizdiktiń ulttyq josparyn ázirleýdi tapsyrdy.
«Osy tapsyrmany júzege asyrý maqsatynda biz bıologııalyq qaýipsizdik týraly zań jobasyn ázirledik. Osyǵan qatysty birqatar ózgeris Májiliske usynyldy. Zerthanalyq laboratorııalardy joǵary tehnologııalarmen de qamtamasyz etý tapsyryldy. Bul maqsattarǵa respýblıkalyq bıýdjettin 4,7 mlrd teńge bólý qarastyrylǵan. Joldaýdyń taǵy bir mańyzdy máselesi medısına salasyna qomaqty qarjy bólý tapsyrmasy boldy», dedi Alekseı Soı.
Mınıstr bul maqsattardy júzege asyrý úshin ınvestısııalyq jobalar júzege asyrylatynyn aıtty.
«Onyń aıasynda 20 zamanaýı aýrýhana men 2 ınnovasııalyq ortalyq salýdy josparǵa engizilgen. О́ńirlik uıymdardy damytý maqsatynda 20 nysandy qaıta jańǵyrtýdy 85 mlrd teńgege júzege asyrýdy josparlap otyrmyz. Dári-dármekpen qamtý tapsyrmasyn oryndaý aıasynda jyl saıyn 231 mlrd teńge bólinedi», dedi ol.