Memleket basshysynyń tapsyrmasyna sáıkes bıyl Prezıdenttik jastar kadrlyq rezervine 50 rezervshini irikteý qajet, dep habaralaıdy Egemen.kz QR MQIA baspasóz qyzmetine silteme jasap.
Qujattardy qabyldaý aǵymdaǵy jyldyń 1 qyrkúıeginde «pkrezerv.gov.kz» platformasynda onlaın-rejımde bastaldy.
Eki kún ishinde irikteýge qatysýǵa 1 251 ótinim berildi. О́tinimderdi qabyldaý 30 qyrkúıekke deıin jalǵasady.
Prezıdenttiń 2019 jylǵy 27 tamyzdaǵy № 141 Jarlyǵymen belgilengen talaptarǵa sáıkes, irikteýge 35 jastan aspaǵan, joǵary bilimi, jumys ótili keminde 5 jyl, memlekettik tildi ortadan tómen emes deńgeıde meńgergen QR azamattary qatysa alady. Rezervte bolý merzimi úsh jyldy quraıdy. Rezervshini Bos memlekettik laýazymǵa taǵaıyndaý qoldanystaǵy zańnamaǵa sáıkes júzege asyrylatyn bolady.