Saýd Arabııasynyń astanasynda Qazaqstan Elshisi Berik Arynnyń Atom jáne jańartylatyn energetıka jónindegi ǵylymı qalashyqtyń tóraǵasy Halıd Ál-Sultanmen kezdesýi ótti, dep habarlaıdy Egemen.kz QR SIM-ge silteme jasap.
Kezdesý barysynda taraptar Korol Abdalla atyndaǵy Atom jáne jańartylatyn energetıka jónindegi ǵylymı qala (K.A. CARE) men qazaqstandyq kompanııalar, atom energetıkasy jáne jańartylatyn energııa kózderi salasyndaǵy ǵylymı-zertteý ınstıtýttary men ortalyqtar arasyndaǵy eki jaqty yntymaqtastyqty keńeıtý joldaryn talqylady.
Kezdesý barysynda Elshi K.A. CARE basshysyn qazaqstandyq ıadrolyq ǵylymnyń damýy men jetistikteri jáne el Táýelsizdiginiń 30 jyly ishinde atom energııasyn beıbit maqsatta paıdalaný týraly habardar etti, sondaı-aq suhbattasýshyny QR Prezıdenti Qasym-Jomart Toqaevtyń «Halyq birligi jáne júıeli reformalar-eldiń órkendeýiniń berik negizi» atty Qazaqstan halqyna Joldaýynyń negizgi erejelerimen tanystyrdy.
Elshi Joldaý aıasynda Memleket basshysy Qazaqstannyń energetıkalyq qaýipsizdigi máselelerine erekshe nazar aýdarǵanyn jáne Úkimettiń aldyna qaýipsiz jáne ekologııalyq atom energetıkasyn damytý jóninde birqatar mindetter qoıǵanyn atap ótti.
Berik Aryn qazaqstandyq taraptyń Saýd Arabııasymen energetıka salasyndaǵy ózara is-qımyldy jandandyrýǵa, sondaı-aq buryn qol jetkizilgen ýaǵdalastyqtardy iske asyrý nıetin bildirdi. О́z kezeginde K.A. CARE basshysy QR Prezıdentiniń Joldaýynda belgilengen maqsattarǵa, basymdyqtar men mindetterge joǵary baǵa berip, eki el men halyqtardyń múddelerine jaýap beretin ekijaqty yntymaqtastyqty odan ári keńeıtýge daıyn ekendigin aıtty.
Sondaı-aq H. Ál-Sultan Qazaqstan aýmaǵynda Elbasy bastamasymen qurylǵan MAGATE Tómen baıytylǵan ýran bankiniń qyzmetine qyzyǵýshylyq tanytty.
Aıta ketsek, K.A. CARE - Saýd Arabııasyndaǵy ıadrolyq jáne jańartylatyn energetıka máselelerimen aınalysatyn úkimettik ǵylymı-zertteý uıymy. K.A. CARE Koroldiktiń energetıkalyq sektorynyń turaqty damýyna úlken úles qosady jáne atom energııasyn beıbit maqsattarda paıdalaný tehnologııalaryn engizýde basty ról atqarady.