Gvıneıadaǵy qarýly tóńkeristiń jetekshisi podpolkovnık Mamadı Dýbaııa el Prezıdenti Alfa Kondeniń tutqyndalýy týraly málimetterdi resmı túrde rastady, dep habarlaıdy Egemen.kz Deutsche Welle-ge silteme jasap.
Sondaı-aq búlikshilerdiń basshysy shekaralardyń jabylǵanyn, Úkimet pen Parlamenttiń taratylǵanyn, Konstıtýsııanyń qoldanylýyn toqtata turýdy jarııalady.
Basylymnyń málimetinshe, kóterilisshiler búkil el boıynsha komendanttyq saǵat «odan ári eskertilgenge deıin», sondaı-aq gýbernatorlardy áskerı qyzmetke aýystyrý týraly jarııalady.
«Biz Úkimet pen ınstıtýttardy tarattyq. Biz Konstıtýsııany birge qaıta jazamyz. Bizdiń kúshterimiz Gvıneıanyń qurlyq jáne áýe shekaralaryn jaýyp tastady. Jaqynda ótpeli úkimet qurylady. Saıası ómirdi jekelendirý aıaqtaldy. Endi biz bir adamnyń saıasatyna senbeımiz», dedi Dýbaııa.
Sarbazdar jergilikti ýaqyt boıynsha saǵat 11:00-de Konakrıde áskerı qyzmetkerler Kondeniń mınıstrler kabınetin jáne basqa da joǵary laýazymdy tulǵalardy jınaıdy dep málimdedi.
Gvıneıa astanasy Konakrıdegi prezıdent saraıynyń janynda tóńkeris áreketi týraly habarlanǵannan keıin oq atyldy. Kem degende eki adam jaraqat aldy. Oq tek Prezıdent saraıy ǵana emes, sonymen qatar basqa da memlekettik organdar men mınıstrlikter ornalasqan Kalým túbeginiń aımaǵynda atyldy.
Derekkózderdiń habarlaýynsha, Gvıneıa Prezıdentin arnaıy kúshter ustaǵan. Kondeniń atys saldarynan zardap shekpegeni anyqtaldy, biraq onyń naqty ornalasqan jeri áli belgisiz.
Eldegi memlekettik tóńkeristen keıin jergilikti turǵyndar bul oqıǵany kóshede toılaı bastaǵany atap ótildi.
«Adamdar kóp zardap shekti, sý joq, jaryq joq, tipti kósheler de joq! Gvıneıada kóshe joq, bul kúlkili! Biz bárimiz budan sharshadyq», dedi jergilikti turǵyndardyń biri.
Konde Gvıneıany 2010 jyldan bastap basqaryp keledi. 2020 jyldyń qazan aıynda saıasatker kezekti saılaýda jeńiske jetti. Daýys berýden keıin elde tártipsizdikter oryn ala bastady.