Buqtyrma sý qoımasynyń jaǵasynda Sarybel aýylynyń mańynda balyq resýrstaryn zańsyz aýlaý faktisi anyqtaldy, dep habarlaıdy Egemen.kz Polisia.kz-ke silteme jasap.
Rıpýs túrindegi balyqty zańsyz óndirýmen aınalysqan 48 jáne 49 jastaǵy er adamdar ustaldy. Shyǵyn 359 841 teńgeni qurady.
Oqıǵa ornynan tártip saqshylary salmaǵy 102,8 kg rıpýs balyǵyn, VAZ avtokóligin, avtokóliktiń tirkemesin, motorly qaıyqty, uzyndyǵy 80 metr sıntetıkalyq jelini tárkiledi.
Jyl basynan beri tabıǵatty qorǵaý polısııasy bólimshelerimen 1190 reıdtik is-shara ótkizilip, nátıjesinde 1258 ekologııalyq quqyqbuzýshylyq anyqtaldy, olar boıynsha 40 sotqa deıingi tergeý bastaldy jáne 1218 quqyq buzýshy ákimshilik jaýapkershilikke tartyldy. 8052 kg zańsyz aýlanǵan balyq, sondaı-aq 318 quqyqbuzýshylyq qural tárkilendi.
Budan basqa, zańsyz daıyndalǵan 141,8 tekshe metr aǵash tárkilendi. Memleketke keltirilgen zalaldyń jalpy somasy shamamen 20 mln teńgeni qurady.
Atalǵan fakti boıynsha QR QK 335-baby 3-bóligi 4-tarmaǵy «balyq resýrstaryn, basqa sý janýarlaryn nemese ósimdikterin zańsyz óndirý» boıynsha sotqa deıingi tergeý bastaldy.