«Talıban» qozǵalysynyń resmı ókili Zabıhýlla Mýdjahıd tálibterge baǵynbaı otyrǵan Pandjsherdi tolyqtaı basyp alǵan soń Aýǵanstannyń jańa úkimeti jarııalanatynyn málimdedi, dep jazady Egemen.kz.
Ol Kabýlda ótken arnaıy baspasóz konferensııasynda Aýǵanstanda ýaqytsha úkimet qurylatynyn, qazir olardyń basshylary kim bolatynyn jarııalaýǵa daıyndyq júrip jatqanyn jetkizdi.
«Jańa úkimettiń qaı kúni qurylatyny jáne tolyq málimetter jaqyn arada habarlanady», dedi Mýdjahıd.
Sonymen qatar ol úkimet jan-jaqty bolatynyn aıtyp, ótpeli kezeńdegi aýǵan halqyna úmit otyn uıalatty.
«Burynǵy áskerı sheneýnikter jańa úkimettiń qaýipsizdik organdaryna shaqyrtylady. Sondaı-aq kórshi eldermen tyǵyz baılanys ornatamyz degen úmittemiz», dedi Z. Mýdjahıd.