Bas memlekettik sanıtar dárigerdiń Qaýlysyna sáıkes, osy aptada Qazaqstannyń barlyq meshitiniń aýlasynda juma namazyn oqýǵa ruqsat berildi, dep habarlaıdy Egemen.kz.
Buryn habarlaǵandaı, QMDB-ǵa qarasty 19 ókildiktiń beseýinde ǵana juma namazyn oqý ýaqytsha toqtatylǵan bolatyn. Jańa qaýlyǵa sáıkes endi elimizdiń barlyq óńirinde juma namazy meshit aýlasynda oqylady.
«Meshitter, pravoslavıe shirkeýleri jáne basqa da dinı obektiler aýmaǵynda ujymdyq dinı is-sharalardy (onyń ishinde «juma namazy», kúndelikti pravoslavıelik duǵalar jáne basqalaryn) ashyq aýada ótkizý maska rejımi men bir adamǵa keminde 4 metr esebinen áleýmettik qashyqtyq saqtalǵan kezde júzege asyrylady», delingen Qaýlyda.
Qaýlyda shekteý is-sharalaryn, onyń ishinde karantındi engizý kezeńinde dinı obektilerdegi sanıtarııalyq-dezınfeksııalyq rejımge qoıylatyn talaptar da kórsetilgen. Atap aıtqanda, meshitterde bir ret qoldanylatyn medısınalyq maskalardyń jetkilikti qorymen, sondaı-aq qoldy óńdeýge arnalǵan dezınfeksııalyq sýlyqtarmen, teri antıseptıkterimen, dezınfeksııalaý quraldarymen qamtamasyz etýdi uıymdastyrý, dinı obektilerde personal men dinı qyzmetshilerdiń maskalar kııýin qamtamasyz etý mindettelgen.
Sondaı-aq ǵıbadat úılerine (qurylystaryna) kirýge mindetti túrde maska bolǵan jaǵdaıda ruqsat etiledi. Ǵıbadat úılerinde namaz oqý bir adamǵa 4 metrden kem emes eseppen qashyqtyqty saqtaý kezinde júzege asyrylady.