Pavlodarda júk tıegishtiń júrgizýshisi jaıaý júrginshini qaǵyp ketti. Jaraqat alǵan áıel aýrýhanaǵa jetkizildi, dep habarlaıdy Egemen.kz.
«Oblys ortalyǵyndaǵy JShS-niń aýmaǵynda 45 jastaǵy júrgizýshi tıeý-túsirý jumystary kezinde jaıaý júrginshini qaǵyp ketti», dep habarlady Pavlodar oblysy polısııa departamentiniń baspasóz qyzmeti.
Quqyq qorǵaý organdarynan belgili bolǵandaı, jaraqat alǵan 50 jastaǵy áıel aýrýhanaǵa jetkizildi.
Aǵymdaǵy jyldyń basynan beri Pavlodar oblysynyń aýmaǵynda 356 JKO tirkeldi, sonyń nátıjesinde 504 adam jaraqat alsa, 31 adam qaza tapty.