Bilim jáne ǵylym vıse-mınıstri Sholpan Karınova mektepterdegi oqý prosesiniń uıymdastyrylý barysy týraly málimet berdi, dep jazady Egemen.kz.
Spıkerdiń aıtýynsha, elimizde mektepterdiń 95%-dan astamy oqý prosesin bir nemese eki aýysymda shtattyq formatta ótkizip jatyr. Mektepterdiń 5%-y oryn tapshylyǵy bar nemese úsh aýysymdy mektep.
«Búgingi kúni mektepterdiń 87%-dan astamynda sabaq tolyǵymen shtattyq formatta ótip jatyr. Al mektepterdiń 13%-ǵa jýyǵy keı pánderdi qashyqtan júrgizedi. Bul format ádistemelik nusqaýlyqta ruqsat etildi. Tek 0,2%-y ǵana oqý prosesin qashyqtan ótkizip jatyr. Oǵan oqýshynyń syrqattanyp qalǵan jaǵdaıy nemese aýyrǵan adammen baılanysta bolǵany sebep bolýy múmkin», dedi Karınova.