2022 jyldan bastap Qazaqstanda jol boıyndaǵy qyzmet kórsetý nysandaryn ashqysy keletin kásipkerler úshin jańa memlekettik qoldaý sharalaryn engizý josparlanýda, dep jazady Egemen.kz
Týrıstik qyzmet máseleleri jónindegi 2021 jylǵy 30 sáýirdegi Zańǵa sáıkes bızneske jol boıyndaǵy qyzmet kórsetý nysandaryn salý boıynsha shyǵyndardyń bir bóligi ulttyq standartqa sáıkes 10% mólsherinde óteletin bolady. Budan bólek, SGT ustaýǵa ketetin shyǵyndardy sýbsıdııalaý kózdelip otyr. Aı saıyn kásipkerler 30 AEK kóleminde sýbsıdııa alatyn bolady. Memlekettik qoldaýdyń atalǵan sharalary jergilikti atqarýshy organdardyń quzyretinde bolady.
QR Indýstrııa jáne ınfraqurylymdyq damý mınıstrliginiń Avtomobıl joldary komıteti óz tarapynan avtojoldarǵa bólingen beldeý sheginde sezder men shyǵýlar qurylysyn qamtamasyz etedi.
Aıta keteıik, búginde respýblıkalyq mańyzy bar joldardyń boıynda 1738 qyzmet kórsetý nysany bar, olardyń 63%-y ulttyq standart talaptaryna saı keledi. 2021 jyldyń sońyna deıin bul kórsetkishti 66 %-ǵa jetkizý kózdelgen.