Qazaqstandyq tennısshi Aleksandr Nedovesov juptyq synda Kıev chellendjer týrnıriniń jeńimpazy atandy, dep jazady Egemen.kz QTF baspasóz qyzmetine silteme jasap.
Qazaqstandyq tennısshi fınalda brazılııalyq Orlando Lýjben birge ýkraınalyq Denıs Molchanov - Sergeı Stahovskıı jubymen kúsh synasty.
Qazaqstandyq-brazılııalyq jup 6:4, 6:4 esebimen jeńiske jetti.
Olar bir saǵattan astam ýaqytqa sozylǵan matchta 3 eıs jasap, 11 breık-poınttyń úsheýin paıdalana bildi.
Qarsylastary 1 eıs, 1 breıkpen (9 breık-poınt) shekteldi.
Osylaısha A.Nedovesov juptyq synda óz sporttyq jolyndaǵy 22-shi, bıylǵy maýsymdaǵy jetinshi tıtýlyna qol jetkizdi.