«Barys» búgin Qurlyqtyq hokkeı lıgasyndaǵy kezekti oıynyn syrt aıdynda Fınlıandııanyń «Iokerıt» (Helsınkı) komandasymen ótkizedi, dep habarlaıdy Egemen.kz.
Kezdesý elorda ýaqytymen 22.30-da bastalyp, «Qazsport» telearnasynan tikeleı efırde kórsetiledi.
Eki komanda búginge deıin 13 márte sheberlik baıqasty. Onyń jeteýi «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
Eske salsaq, týrnırdiń bıylǵy alǵashqy eki oıynynda elordada 3 qyrkúıekte «Barys» Reseıdiń «Salavat Iýlaev» klýbynan 1:5, «Metallýrg» (Magnıtogorsk) klýbynan 1:2 esebimen jeńildi.
Odan keıin «Amýr» (Habarovsk) komandasynan 3:2 esebimen basym tústi. Tórtinshi oıynynda reseılik taǵy bir klýb «Spartak» (Máskeý) komandasyna 1:4 esebimen jol berdi.