Dárigerler Mańǵystaýda jol apatynan zardap shekken balalardyń jaǵdaıy týraly aıtty, dep habarlaıdy Egemen.kz.
Oblystyq densaýlyq saqtaý basqarmasy baspasóz qyzmetiniń málimetinshe, jol apatynan zardap shekken bir jarym jastaǵy bala jansaqtaý jáne qarqyndy terapııa bólimine jatqyzyldy.
«Dárigerler mıdyń jabyq jaraqatyna, oksıpıtaldy súıektiń syzyqtyq synýyna, sýbarahnoıdty qan ketýge dıagnoz qoıdy, sańyraý kúıi saqtalýda. Jaqsarý baıqalmaıdy, jaǵdaıy aýyr dep baǵalanady», dep naqtylady vedomstvodan.
8 jasar qyzdyń jaǵdaıy óte aýyr.
«Ázirge sanasyna kelgen joq. О́kpeni jasandy jeldetý apparatynan alǵan. Sondaı-aq, oǵan mıdyń jabyq jaraqaty, mıdyń gemorragııalyq kontýzııasy, frontaldy aımaqtyń kógergen jarasy, perıneıanyń jyrtylýy, oń jaq klavıkýlanyń synýy dıagnozy qoıylǵan», delingen baspasóz habarlamasynda.
Qalǵan 9 jáne 10 jastaǵy qyzdar travmatologııa bólimine jatqyzyldy.
Jol apaty 16 qyrkúıekte Qaraqııa aýdanynyń tas jolynda oryn aldy. Jantúrshigerlik apat saldarynan bes adam qaza taýyp, tórt bala aýrýhanaǵa jetkizildi.