Almatynyń Bas memlekettik sanıtarlyq dárigeri Jandarbek Bekshınniń karantın sharalaryn jeńildetý týraly jańa qaýlysy jarııalandy, dep habarlaıdy Egemen.kz.
Jańa qaýlyda sport keshenderi, sporttyq-saýyqtyrý men fıtnes, ıoga ortalyqtarynyń jumysyna ruqsat berildi.
Monsha, saýna, SPA, basseın qyzmetine de ruqsat. Demalys kúnderi Ashyq jobasy boıynsha jumys isteıtin kásiporyndar 00:00-ge deıin jumysyn jalǵastyrady. Al Ashyq kóshbasshylary túngi 02:00-ge deıin qyzmet kórsete alady.
Qoǵamdyq tamaqtaný nysandary (meıramhanalar, ashanalar jáne basqalar) jumys isteıdi, biraq kelýshiler sany bir ýaqytta 70 adamnan aspaýy kerek.
Qaýly qol qoıylǵan kúnnen bastap kúshine enedi.