Oralda «Jaıyq» halyqaralyq qysqametrajdy jáne derekti fılmder festıvali bastaldy, dep jazady Egemen.kz.
«Habar 24» jazýynsha, qala kúni merekesine arnalǵan óner baıqaýyna qatysýǵa Qazaqstan, О́zbekstan, Belarýs, Ýkraına, Fransııa jáne basqa da elderden 100 shaqty ótinim túsken.
Kórermen nazaryna 31 kartına usynyldy.
Qazylar alqasynyń quramynda Merýet О́tekeshova, Samal Eslıamova, Altynaı Nógerbek, Erlan Nurmuhambet, Jeńishan Momyshev, Talǵat Taıshanov, Aıgýl Cherendına, Aslanbek Gýbashev syndy kıno áleminiń maıtalmandary bar.
Festıvaldiń ashylý saltanatynda Sh.Aımanov atyndaǵy «Qazaqfılm» AQ men Tokyo New Cinema túsirgen, «Konokrady. Ýaqyt joldary» fılminiń tusaýkeseri ótti.
«Birinshiden, mundaı festıvalder kóbine Almaty, Nur-Sultan sııaqty megopolısterde ǵana uıymdastyrylyp keledi. Al shaǵyn qalalarda ótpeıdi. Máselen, Kann kınofestıvalin uıymdastyrý arqyly Fransııanyń osy qalasy dúnıejúzine tanymal boldy. Halqy ne bary 74 myń adam. Iаǵnı, turǵyndary bizdiń Oraldan 5 esege az. Kann osy bir ǵana festıval arqyly irgesindegi Nıssa, Monte-Karlo qalalarynyń da týrıstik-ekonomıkalyq áleýetiniń damýyna serpin berdi. Bizdiń maqsat Oralda týrızmdi damytýǵa úles qosý. Árıne, birden bola qoımas. Desek te, Oral – óte ádemi qala. Kıno túsirýshiler úshin kamera nysanyna alatyn obektiler jeterlik. Osy oraıda HIH, HH ǵasyrdan saqtalǵan arhıtektýralyq eskertkishterdi tanystyrsaq deımiz. Budan bólek, Oraldan eksklıýzıvti ónerimen tanylǵan daryndar men talanttar az emes. Osy festıval endi kıno salasyndaǵy jańa tolqynnyń shyǵýyna sep bolady degen senim bar», deıdi festıval dırektory Alpamys Sharımov.
Festıval aıasynda Merýert О́tekeshova, Talǵat Taıshanov syndy kıno maıtalmandary sheberlik saǵatyn ótkizdi.