Aýǵanstanda bılikti basyp alǵan «Talıban» radıkaldy qozǵalysy jaqyn arada oqýshy qyzdardyń mektepke barýyna ruqsat bermek. Bul týraly ýaqytsha úkimettegi Aqparat jáne mádenıet mınıstriniń orynbasary Zabıhýlla Mýdjahıd málimdedi, dep jazady Egemen.kz.
«Aýǵanstan Islam Ámirliginiń sheneýnikteri qazirgi ýaqytta synyptardy bólý, sonymen qatar muǵalimderdi qyzdar mektebine taǵaıyndaý boıynsha jumys jasap jatyr», dedi ol.
Juma kúni Aýǵanstan Bilim mınıstrligi el mektepteriniń 1-6 synyptarynda sabaq 18 qyrkúıekten bastap qaıta jandanatynyn, biraq ázirge oqý prosesine tek er balalar men er muǵalimder shaqyrylatynyn habarlady.
Jergilikti BAQ buryn habarlaǵandaı, Talıban Aýǵanstannyń barlyq oqý ornynda áıelder men erkekterge bólek bilim berýdi engizýdi josparlap otyr.