Qazaqstannyń burynǵy premer-mınıstri Serik Ahmetov jazasyn ótedi. 1 qyrkúıekte barlyq shekteýler alynyp tastaldy, dep habarlaıdy Egemen.kz.
Qylmystyq-atqarý júıesi komıteti osy jyldyń 1 qyrkúıeginde Serik Ahmetov merzimin óteýine baılanysty esepten shyǵarylǵanyn habarlady. Qazir ol probasııa qyzmetinde belgili bir laýazymdardy atqarýǵa tyıym salý túrindegi qosymsha jaza boıynsha esepte tur.
2015 jyldyń jeltoqsanynda Serik Ahmetov múlkin tárkilep jáne bes jyl boıy memlekettik laýazymdardy atqarý quqyǵynsyz bıýdjet qarajatyn jymqyrǵany, laýazymdyq ókilettikterin asyra paıdalanǵany jáne kásipkerlik qyzmetke zańsyz qatysqany úshin 10 jylǵa bas bostandyǵynan aıyryldy. Ahmetov óz kinásin moıyndamady, alaıda Qazaqstannyń Tuńǵysh Prezıdenti Nursultan Nazarbaevtan keshirim surady.
2016 jyldyń naýryzynda onyń jaza merzimi 8 jylǵa deıin qysqardy. Sot úkimdi jeńildetýdi Ahmetov shyn júrekten ókinip, 2,5 mlrd teńge zalaldy ótegendigimen túsindirdi.
2017 jyldyń qyrkúıeginde eks-premer bas bostandyǵynan aıyrýdy turǵylyqty jeri boıynsha bas bostandyǵyn shekteýge aýystyrdy.
Serik Ahmetov ÝDO-ǵa ótinish berdi, biraq sot ótinishti qanaǵattandyrýdan bas tartty. 2020 jyldyń maýsym aıynda sot ótinish berýshiniń keri shaqyrylýyna baılanysty HQB týraly ótinishti qaraýsyz qaıtardy.
Serik Ahmetov ár jyldary Temirtaý qalasynyń ákimi, Qaraǵandy oblysynyń ákimi, Kólik jáne kommýnıkasııa mınıstri, Qorǵanys mınıstri bolǵan.