Mádına Qurmanbaeva aýa raıynyń qolaısyzdyǵyna jáne mezgilsiz bastalǵanyna qaramastan La-Mansh buǵazyn gıdrokostıýmsiz júzip ótken ekinshi qazaqstandyq atandy, dep habarlaıdy Egemen.kz Ratel.kz basylymyna silteme jasap.
Fransııa men Ulybrıtanııa arasyndaǵy uzyndyǵy 38 shaqyrymdyq aǵylshyn arnasy álemge óziniń aǵysymen, aýa raıynyń qolaısyzdyǵymen jáne sýdyń tómen temperatýrasymen tanymal. Kapıtan Mettıý Ýebb ony 1875 jyly 21 saǵat 40 mınýtta júzip ótti, osylaısha, aǵylshyn arnasyn gıdrokostıýmsiz júzip ótý standarty ornatyldy.
Tirkeýshi uıymdar gıdrokostıýmdi paıdalanyp júzýdi esepke almaıdy.
Saqtandyrý ındýstrııasynda jumys isteıtin eki balanyń anasy Mádına Qqrmanbaevany Qazaqstannyń «Temir hanymy» dep ataıdy. 2019 jyldyń shildesinde ol Ystyqkóldi júzip ótti. Qyrǵyzstan, Reseı jáne Qazaqstannan kelgen 22 qatysýshy arasynda ol jalǵyz gıdrokostıýmsiz boldy.
Sol jyldyń tamyz aıynda Mádına Endýroman doǵasynan doǵaǵa (arkadan arkaǵa deıin) tańdalǵandar úshin Temir analar KZ komandasynyń quramynda ýltratrıatlonǵa qatysty. Start Londondaǵy mármár arkada bastalyp, Parıjdegi Ark de Trıýmfada aıaqtaldy. Al bıyl Mádına aǵylshyn arnasyn jalǵyz júzip ótýdi sheshti.
«Aýa raıyn eki aı kútýge týra keldi. Kúndiz-túni únemi daıyn otyrý kerek boldy, óıtkeni olar kez kelgen ýaqytta qońyraý shalyp, «qazir júzińiz» dep aıtýy múmkin edi. Ádette, bári túnde bastalady, al Mádınaǵa ony tańerteń bastaý usynyldy. Bul óte sátsiz ýaqyt. Biraq aýa raıy qaıtadan nasharlap, maýsymnyń sońyna deıin jaqsarmaýy múmkin», deıdi sportshynyń týystary.
Úsh balanyń anasy Ánel Sytdyqova 2019 jylǵy shildede gıdrokostıýmsiz La Manshty baǵyndyrǵan alǵashqy qazaqstandyq áıel boldy. 2016 jyly Ánel júzýdi tańǵy saǵat úshte bastady, biraq kóp uzamaı tolqyndar kúsheıip, sportshy teńiz aýrýyna baılanysty qashyqtyqtan ketýge májbúr boldy. Tek 2019 jyldyń jazynda ol aýa raıynyń sáttiligin paıdalanyp, 15 saǵat ishinde aǵylshyn arnasyn baǵyndyrda aldy.