20 qyrkúıekte 18 jastaǵy stýdent atys shyǵarǵan Perm memlekettik ýnıversıtetinde 22 qazaqstandyq stýdent oqıdy. Olardyń eshqaısy oqıǵa kezinde zardap shekken joq, dep habarlaıdy Egemen.kz.
Bul týraly SIM baspasóz qyzmeti málim etti.
«Qazaqstannyń Bas konsýldyǵynyń konsýldyq aýdany boıynsha qazaqstandyq stýdentterdiń jalpy sany Qazanda 5 myńǵa jýyq. Perm memlekettik ulttyq zertteý ýnıversıtetinde 22 qazaqstandyq stýdent oqıdy», dedi Qazaqstan SIM baspasóz qyzmeti ókili.
Vedomstvo málimetinshe, qazaqstandyq stýdentterdiń eshqaısy elshilikke júginbegen.
«Bizdiń aqparat boıynsha, zardap shekkender arasynda Qazaqstan Respýblıkasynyń azamattary joq», dep qosty baspasóz qyzmeti ókilderi.
Eske salaıyq, 20 qyrkúıekte Perm memlekettik ulttyq zertteý ýnıversıtetinde stýdent atys shaǵarǵan. RIA Novostı agenttiginiń sońǵy aqparaty boıynsha, alty adam qaza taýyp, taǵy 28 adam jaraqat alǵan.