Qazaqstannyń desanttyq-shabýyldaý áskeri Almaty oblysyndaǵy «Kóktal» taý polıgonynda qarýlanǵan toptyń kózin joıdy, dep jazady Egemen.kz.
Bul – qurlyq áskeriniń oqý-jattyǵýy. Jattyǵý kezinde áskerılerdiń ázirligi ári beıtanys jerde shapshań áreket etý qabileti tekserildi. Jalpy, áskerı oqý-jattyǵý eldiń birqatar polıgonynda júrgizildi.
Aqtaý, Almaty, Shyǵys Qazaqstan men Qyzylorda óńirinde ornalasqan qurlyq áskeriniń quramalary Tótenshe jaǵdaı mınıstrligi, Ishki ister men Ulttyq qaýipsizdik qyzmetimen ózara is-qımyly pysyqtaldy. Áskerılerdiń daıyndyǵyn tekserý 23 qyrkúıekke deıin jalǵasady. Oǵan 9 myńǵa jýyq jeke quram jumyldy.
Sonymen birge 3 myńnan astam qarý-jaraq pen áskerı tehnıka, onyń ishinde 66 ushý apparaty men 8 áskerı keme jattyǵý isine qosylǵan.