«Sochı Olımpıadaǵa 100 paıyz daıyn»

Reseı Olımpııalyq komıtetiniń prezıdenti osylaı dedi

Keshe Reseı Olımpııalyq komıtetiniń prezıdenti Aleksandr Jýkov Sochıdegi barlyq nysandardyń 2014 jylǵy Oıyndardy qabyldap, bastap ketýge tolyq daıyndyq sapyna qoıylǵanyn baıan etti. «Barlyq nysandar daıyn tur, olardyń basym kópshiliginde halyqaralyq testilik jarys­tary ótip te qoıdy, – dedi A.Jýkov. – Olarda synǵa túsken sportshylardyń pikirleri óte jaqsy. Qazir atletter qalaǵa qaptap kelip jatyr. Olaı bolsa, biz olımpıadashylardy qabyldaýǵa tolyq ázirmiz. Men bul Oıyndarda naǵyz adal sporttyq básekeniń bási bıiktep, shynaıy júırikterdiń jarys kóshiniń basynan tabylatyndaryna kámil senemin. Saıysqa qatysýshylardyń ózderi osydan orasan zor raqat sezimin alatyndary anyq». Eske sala keteıik, Olımpıadanyń ashylý saltanaty aldaǵy juma kúni Máskeý ýaqytymen 20 saǵat 14 mınýtta (Astanada – 22 saǵat 14 mınýt) bastalady.