Kóptegen damýshy elde eki jasqa deıingi balalardyń tek úshten bir bóligi saý ósýine qajet ónimmen tamaqtanady. Sońǵy onjyldyqta olardyń tamaqtanýy jaqsarǵan joq.
IýNISEF-tiń jarııalaǵan esebine súıensek, COVID-19 daǵdarysy men qaqtyǵystar saldarynan 91 eldegi balalardyń tamaqtanýy múldem qıyndap ketken. Damýshy elderde 6 aıdan 23 aıǵa deıingi balalardyń jartysy kúndelikti qajet tamaqtyń eń az mólsherin de almaǵan.
Beısenbide Birikken Ulttar Uıymynyń azyq-túlik qaýipsizdigi sammıti qarsańynda IýNISEF-tiń Ulybrıtanııa ókildigi Tumandy Albıon tamaqtanýǵa ınvestısııa salý arqyly bul máseleni sheshýge kómektesetinin aıtty.
Durys tamaqtanbaýdyń saldarynan balalar mektepten qalyp, aýrýǵa shaldyǵýy múmkin. Sonyń ishinde boılary óspeı, aryqtap nemese artyq salmaq qosyp, semirip ketýleri múmkin. IýNISEF-tiń baǵalaýy boıynsha búkil álem boıynsha eki jasqa deıingi 11 mıllıonnan astam bala osyndaı zardap shegip júr.