QR Prezıdenti Qasym-Jomart Toqaev BUU Bas Assambleıasy 76-sessııasynyń Jalpy debattarynda sóılegen sózinde bıyl 270 mıllıon adam azyq-túlik tapshylyǵyn sezinetinin atap ótti, dep habarlaıdy Egemen.kz.
«Qazaqstan – iri bıdaı óndirýshi jáne eksporttaýshy el. Sondaı-aq Azyq-túlik qaýipsizdigi jónindegi Islam uıymynyń negizin qalaýshylardyń biri. Onyń tórtinshi Bas assambleıasy ótken aıda elordamyzda ótti. Biz ornyqty aýyl sharýashylyǵynyń jarqyn bolashaǵy úshin sheteldik ınvestorlardy ózimizge shaqyramyz», dedi Qasym-Jomart Toqaev.
Prezıdenttiń aıtýynsha, ornyqty damý ekonomıkalyq ósimge ǵana emes, sondaı-aq áleýmettik jáne saıası damýǵa da baılanysty. Qazaqstan 30 jyl ishinde kemeline kelgen, tájirıbeli memleket boldy. Demokratııaǵa beıildigin nyǵaıtýǵa jáne azamattardyń basqarý isine keńinen atsalysýyna yqpal etýge umtylady.