Memleket basshysy «Mashına jasaý Qazaqstan ekonomıkasynyń, jumyspen qamtý men eksporttyń lokomotıvine aınalýy kerek» degen bolatyn. Osy maqsatta Elordadaǵy EHRO halyqaralyq kórme kesheninde Qazaqstan mashına jasaýshylarynyń IH forýmy ótip jatyr, dep habarlaıdy Egemen.kz Shymkent qalasy ákimdiginiń baspasóz qyzmetine silteme jasap.
Atalmysh forýmǵa Shymkenttiń arnaıy taqtaıshasy qoıylyp, jergilikti taýar óndirýshiler, sonymen birge «Indýstrıaldy aımaqtar» Basqarýshy organynyń dırektory qatysýda.
Forýmnyń ekinshi kúninde QR Indýstrııa jáne ınfraqurylymdyq damý mınıstri Beıbit Atamqulov Shymkenttik taýar óndirýshilerdiń jumysymen tanysty. Kelýshilerge travertın, plıtalar shyǵaratyn «BESKUDUK TAS», oıynshyq-mashınalar jasaıtyn «BAITEMIROVA R.», plastmass zattar shyǵaratyn «IýGREGIONPLAST», joǵary synypty óndiris maılaý materıaldaryn óndiretin «HILL Corp», dóńgelekter men baqsha arbalaryn shyǵaratyn «TABA INDUSTRIAL», jaryqdıodty shamdar shyǵaratyn «KAZTEHNIKAS» sekildi shymkenttik mekemelerdiń ónimderi usynyldy.
Forým barysynda mashına jasaýdy damytýdyń 2019-2024 jyldarǵa arnalǵan Jol kartasyn iske asyrý barysy týraly pikirtalastar, mashına jasaý salasy úshin kadrlar daıarlaý, mashına jasaýdyń basym kishi salalary boıynsha seksııalyq otyrystar, Halyqaralyq munaı-gaz operatorlarymen, qatty paıdaly qazbalardy jer qoınaýyn paıdalanýshylarmen satyp alý jáne jergilikti qamtýdy damytý taqyrybynda dóńgelek ústelder ótkizilip jatyr.