Grýzııanyń burynǵy Prezıdenti Mıhaıl Saakashvılı qazan aıynda jergilikti ózin-ózi basqarý saılaýyna oralý týraly ýádesin oryndaıtynyn málimdep, qoldaýshylaryn bılikti ózgertý úshin kóbirek belsendilik tanytýǵa shaqyrdy, dep habarlaıdy Egemen.kz RIA Novostıge silteme jasap.
Saakashvılı buǵan deıin qazan aıynda jergilikti ózin-ózi basqarý organdaryna saılaýǵa oralý nıeti týraly málimdedi. Grýzııa bıliginiń ókilderi bolsa, Saakashvılıdi shekaradan ótkennen keıin birden ustaıtyndyqtaryn birneshe ret habarlaǵan.
«Men, árıne, aıtqanymdy oryndaımyn, biraq eger grýzın halqy belsendi bolmasa, Mısha eshteńe isteı almaıdy. Munyń báriniń óz qısyny bar. Sondyqtan áreket etýge sanaýly kún qaldy», dedi Saakashvılı óziniń Facebook paraqshasynda.