BUU Bas Assambleıasynyń 76-sessııasyna qatysý sheńberinde QR Premer-Mınıstriniń orynbasary – Syrtqy ister mınıstri Muhtar Tileýberdi BUU Bas hatshysy Antonıý Gýterrıshpen kezdesti. Antonıý Gýterrısh Aýǵanstanǵa járdemdesý jónindegi BUU mıssııasynyń qashyqtaǵy keńsesin Almatyda ornalastyrý týraly sheshim qabyldaǵany úshin Qazaqstan Prezıdentine alǵysyn bildirdi, dep habarlaıdy Egemen.kz Syrtqy ister mınıstrligine silteme jasap.
BUU Bas hatshysy bizdiń elimiz turaqtylyqtyń sımvoly jáne kópjaqtylyqty ustanýdyń úlgisi bolyp tabylatynyn atap ótti.
«Qazaqstannyń bul sheshimin biz tek kómek retinde ǵana baǵalamaımyz. Siz BUU men Qazaqstan arasyndaǵy tamasha qarym-qatynastardy odan ári damytýǵa yqpal etetin dıplomatııalyq baýyrlastyqtyń shynaıy rýhyn kórsettińiz», dedi A.Gýterrısh.
О́z kezeginde Mınıstr Prezıdent Qasym-Jomart Toqaevtyń BUU-nyń Bıologııalyq qaýipsizdik jónindegi halyqaralyq agenttigin qurý jónindegi bastamasynyń iske asyrylý barysy týraly egjeı-tegjeıli habardar etti.
Sol kúni Mınıstr BUU Bas hatshysynyń orynbasary - Kontrterrorıstik basqarma basshysy Vladımır Voronkovpen kelissózder júrgizdi. Qazaqstandyq tarap Aýǵanstandaǵy terrorıstik qaýip-qaterlerge qarsy is-qımyl boıynsha olardyń áleýetin nyǵaıtý úshin Ortalyq Azııa óńiri elderine tehnıkalyq járdemdesý baǵdarlamalary týraly habardar etildi.
BUU Bas hatshysynyń saıası máseleler jáne álem qurylysy jónindegi orynbasary Rozmarı Dıkarlomen kezdesýde jahandyq jáne óńirlik qaýipsizdikti qamtamasyz etý jónindegi sharalar men birlesken kúsh-jiger talqylandy.
Muhtar Tileýberdi BUU Bas Hatshysynyń qarýsyzdaný máseleleri jónindegi orynbasary Izýmı Nakamısý jáne Jahandyq kommýnıkasııalar jónindegi orynbasary Melıssa Flemıngpen birge BUU shtab-páterinde Semeı ıadrolyq synaq polıgonynyń tarıhı jabylýy týraly turaqty ekspozısııanyń ashylýyna qatysty.
Qazaqstannyń syrtqy saıası vedomstvosynyń basshysy Fılıppın Syrtqy ister mınıstri Teodoro Loksın men Kıprdiń Syrtqy ister mınıstri Nıkos Krıstodýlıdespen kezdesip, sondaı-aq beınekonferensbaılanys rejıminde AQSh-tyń USAID Halyqaralyq damý agenttiginiń ákimshisi Samanta Paýermen kelissózder júrgizdi.