Tańerteń shańdy daýyl qalanyń kóptegen aýdanyn qamtydy. Jel shań men qumdy aýaǵa kóterdi, dep jazady Egemen.kz.
Sınoptıkter shańdy daýyldyń jazda jáne kúzde jıi bolatynyn atap ótti. Sonymen qatar meteorologtardyń aqparaty boıynsha, tańerteń Almaty oblysynda jel kúsheıdi.
«27 qyrkúıekte tańerteń jáne tústen keıin Almaty oblysynyń soltústigi men soltústik-shyǵysynda soltústik-shyǵystan jel kútiledi, ekpini 17-22 m/s deıin jetedi. Taldyqorǵanda da kúndiz soltústik-shyǵystan jel kúsheıip, ekpini 17-22 m/s bolady», dep habarlady Qazgıdromet.
Buǵan deıin habarlanǵanyndaı, jaqyn kúnderi Qazaqstan aýmaǵynyń kóp bóligi sıklonnyń áserinde bolady. Soltústikte, soltústik-batysta, ortalyqta jáne shyǵysta jaýyn-shashyn (jańbyr, qar), ońtústikte, ońtústik-shyǵysta naızaǵaımen jańbyr kútiledi. Eldiń batysynda, soltústiginde, ortalyǵynda jáne shyǵysynda tuman túsedi, jel kúsheıedi, soltústik jartysynda kóktaıǵaq bolady.