QR Premer-Mınıstriniń orynbasary Eraly Toǵjanov QR Úkimetiniń baspasóz ortalyǵynda Memleket basshysynyń Qazaqstan halqyna Joldaýyn iske asyrý sharalary jónindegi brıfıngte áleýmettik qorǵaý máseleleri týraly aıtty, dep jazady Egemen.kz.
Eraly Toǵjanovtyń aıtýynsha, biliktilikterdi retteý - eńbek naryǵyndaǵy barlyq qarym-qatynasty ózgertetin túbegeıli jáne júıeli qadam.
«Kóptegen elde jumys oryndaryna, qyzmetkerlerdiń biliktilik deńgeıine qoıylatyn talaptardy belgileý arqyly tehnologııalyq serpilis jasaldy. Ońtústik Koreıanyń tájirıbesi 1973 jyly «Ulttyq tehnıkalyq biliktilik júıesi týraly» Zańnyń qabyldanýy nátıjesinde JIО́-niń 100 eseden astam óskenin kórsetedi. Osyǵan uqsas, Qazaqstanda «Kásibı biliktilik týraly» Zań ázirlenetin bolady», dedi ol.
Alǵash ret eńbek naryǵyna arnalǵan 589 kásiptik standart ázirlenip, qoldanylyp jatyr. Sondaı-aq, kez kelgen kásibı oqýdan, beıresmı, táýelsiz oqytýdan keıin biliktilikti rastaýǵa bolady jáne mundaı biliktilikti jumys berýshiler moıyndaıdy.
Premer-Mınıstrdiń orynbasary sıfrlandyrý jumyspen qamtýdyń jańa nysandarynyń paıda bolýyna alyp kelgenin atap ótti. Naqty mysaldary — Uber, Iаndeks-taksı platformalarynda jumys isteıtin júrgizýshiler, Wolt kýrerleri jáne t. b.
«Búginde álemniń kóptegen elindegi, sonyń ishinde Qazaqstandaǵy ınternet-platformalar negizinde jumyspen qamtý zańnamalyq turǵydan jetkilikti túrde rettelmegen. Sondyqtan bıyl áleýmettik, medısınalyq saqtandyrý, zeınetaqymen qamtamasyz etý jáne salyq salý máselelerin qosa alǵanda, jumyspen qamtýdyń jańa formalaryn retteý tetigi ázirlenetin bolady», dep habarlady E. Toǵjanov.