Ekpe alǵandarǵa – eki Chevrolet

Pandemııa bastalǵaly Aqtó­be oblysy tur­ǵyndarynyń 32 130-y ko­ronavırýspen, 3 447-i pnevmonııa­men aýyrsa, 29 605 naýqas jazylyp shyqty. О́ki­nish­tisi, juqpaly indettiń salda­ry­nan pandemııa bastalǵaly 529 adam qaıtys boldy. Sońǵy on­kún­dikte aýrýshańdyq deńgeıi bir­­tindep tómendep, Aqtóbe ob­­lysy «sary aımaqqa» endi. Jaz aıynda ınfeksııa qaıta órshi­gende ınfeksııalyq aýrý­ha­nalar men provızorlyq or­ta­lyqtarda daıyndalǵan 3 603 ınfeksııalyq kereýettiń osy kezge deıin 1 880-ni paıdalanyldy. Aıta keterligi, tamyz aıymen salystyrǵanda qyr­kúıektiń ekinshi jartysynda provızorlyq ortalyq­tar­­da­ǵy ınfeksııalyq kereýet júktelimi 35,4 paıyzǵa azaı­dy delinse de, ınfeksııa juq­tyr­ǵandar sany kúndelikti júz­dep tirkelip jatyr. Búginde qa­la­da­ǵy ınfeksııalyq aýrýhanada 658 naýqas, al reanımasııa bó­lim­shesinde 84 naýqas em alyp jatsa, ókpeni jasandy jeldetý apparatyna 15 naýqas qosylǵan. Bul indet júkti áıelderdi de aınalyp ótken joq. Qazir Aqtóbe medısına ortalyǵynda KVI-ge shaldyqqan 51 júkti áıel em qabyldasa, 9 júkti kelinshek jan­saqtaý bólimshesinde jatyr.

Bıylǵy oqý jyly bastal­ǵa­ly óńirde 489 mektep oqý­shy­sy, 53 mektep muǵalimi koro­navırýsqa shal­­dyqqan 123 mektep anyq­tal­­dy. Qyrkúıekten beri indet juqtyrǵan oqýshylar men muǵalimderdiń kópshiligi qala mektepterinen. Qazirgi ýa­qyt­ta 123 mekteptiń 473 synyby oqshaýlaný jaǵdaıyna kóshirildi. Soǵan qaramastan, oqý jyly bastalǵaly óńirde birde-bir mektep karantınge jabylǵan joq. Qazir barlyq mektepte sanıtarlyq-epıdemııalyq talaptardy saqtaý boıynsha kúndelikti monıtorıng júrgiziledi.

Aqtóbe oblysynda pandemııamen kúreske ótken jyly bó­lingen 4,5 mlrd teńgege 40 ókpeni jasandy jeldetý men 64 rentgen, 14 jasandy qan aı­naldyrý jabdyqtary men 8 jyljymaly medısınalyq keshen, 41 reanımobıl kóligi satyp alynǵan. Búginde 4 500 medısına qyzmetkeri ko­ro­navırýs ınfeksııasyna shal­dyq­qan naýqastardy emdeýge jumyldyrylǵan. 26 qyr­kú­ıek­ten bastap Aqtóbe oblysy koronavırýs ınfek­sııa­synyń taralý aımaǵy boıynsha «sary aımaqqa» ótýinen ka­rantın ta­lap­­ta­ry jeńildeı bastady. Alaıda kúzde jaǵ­daı­dyń qalaı ózgeretini bel­gi­siz bolǵandyqtan medısına qyz­metkerleri saq­tyqty umyt­qan joq. Búginde óńirdegi bar­lyq medısınalyq mekeme­ler­de eki aptalyq dári-dár­mek qory jasaqtalyp, jeke qorǵanysh quraldary jet­ki­likti ázirlendi. Búginde 4500 medısına qyzmetkeri koro­na­vırýs ınfeksııasyna shal­dyq­qan naýqastardy emdeýge jumyldyryldy. Son­daı-aq oblysta PTR-test júr­gi­ze­tin 12 laboratorııada kúnbe-kún 7 967 sy­nama alynady.

Osy jyldyń 1 aqpanynan bas­tap óńirge koronavırýsqa qar­sy 698 myń doza ekpe áke­lin­di. Oblystyq densaýlyq saq­taý basqarmasynyń 24 qyr­kú­ıektegi málimeti boıynsha, ekpeniń 1-komponentimen 311 myń adam (óńir turǵyndarynyń 59,6 %-y) egilse, 2-komponentpen 267 myń turǵyn egildi (51,8 %-y). Turǵyndardy jappaı vaksınalaý qarqynyn kúsheıtý maqsatynda 26 maýsym men 26 qyrkúıek aralyǵynda «Ekpe al da, avtokólik utyp al!» utys oıyny ótip jatyr. Oǵan demeý­shi­ler­diń kómegimen eki Chevrolet Cobalt avtokóligi, 96 baǵaly syılyq utysqa tigildi. Eki apta saıyn Aqtobe telearna­synda ót­ki­ziletin tikeleı efırdegi utys oıynynda bir kólikti Qar­ǵ­­a­ly aýdany Qosestek aýy­ly­nyń turǵyny, bes balanyń ákesi utyp aldy.

Aqtóbe oblysynyń 4 myń kásipkeri Ashyq jobasyna qatysýǵa ótinim berdi. Alaıda osy joba engizilgeli ınfeksııa juq­tyrsa da, oqshaýlaný talaptaryn saqtamaǵan aqtóbelikter qatary azaıar emes. Sanıtarlyq-epıdemııalyq qyzmet mamandary qoǵamdyq oryndarda emin-erkin júrgen 238 «sary» már­te­besi bar jáne «qyzyl» már­tebesi bar 314 adamdy anyq­tap, 77 tul­ǵaǵa ÁPK 415-babynyń 1-bóligimen 3-4 mln teńge ákim­shi­lik aıyp­pul sa­­lyn­dy. Aıta ketý kerek, pan­demııa bastalǵaly monı­torıngtik toptar oblys aýma­ǵyn­da 7 357 reıd júrgizip, 4 262 nysandy tekserip, sanı­tar­lyq-epıdemııalyq talap­tar­dy qatań buzǵandarǵa 871 aıyppul saldy.

Aqtóbe oblysy