Kembrıdj ýnıversıtetiniń Fısýılıam murajaıynda «Uly dala altyny» kórmesi ashyldy. Oǵan Shyǵys Qazaqstan oblysyndaǵy ejelgi saq qorǵandarynan tabylǵan altyn artefaktiler qoıyldy, dep jazady Egemen.kz.
Bul bizdiń dáýirimizge deıingi VIII-III ǵasyrlarda Ortalyq Azııada, atap aıtqanda Qazaqstannyń Altaı taý júıesinde ústemdik etken skıf órkenıetiniń jádigerleri, saq qorǵandarynan tabylǵan qundy dúnıeler. Kórmede Berel, Shilikti jáne Eleke Sazy sııaqty úsh túrli qorymnan shyqqan júzge jýyq arheologııalyq oljalar qoıylǵan. Ekspozısııa ejelgi saqtardyń kóshpeli mal sharýashylyǵy, taý-ken óndirisi jáne metallýrgııa salalarynda biregeı mádenıeti men tereń bilimi bolǵanyn kórsetedi. Bul kezeńdi ejelgi qazaqtar tarıhyndaǵy «altyn ǵasyr» dep te ataıdy. Eń baǵaly eksponattardyń biri – kıimderi 15 000 altyn zattan turatyn «Altyn adam».Biregeı altyn artefaktilerdiń eýropalyq aýdıtorııaǵa bul alǵash ret usynylýy. Olardy brıtanııalyq buqaralyq aqparat quraldary halyqaralyq arheologııalyq sensasııa dep atap, shara týraly jarysa jazyp, taspaǵa túsirip jatyr. Kórmege kirý tegin. Ekspozısııa Fısýılıam murajaıynda keler jyldyń 30 qańtaryna deıin ótedi.