Mádenıet jáne sport mınıstri Aqtoty Raıymqulova fýtzaldan ulttyq qurama oıynshylary men bapkerlerin álem chempıonatynyń jartylaı fınalyna shyǵýymen quttyqtady, dep jazady Egemen.kz.
«Qurmetti fýtbolshylar, bapkerler!
Sizderdi Lıtvada ótip jatqan fýtzaldan əlem chempıonatynyń jartylaı fınalyna shyǵýlaryńyzben shyn júrekten quttyqtaımyn!
Sizder Iranmen bolǵan keskilesken matchta tabandylyq pen shynaıy sheberliktiń jarqyn úlgisin pash etip, jumyr jerdegi úzdik tórt quramanyń qataryna qosyldyńyzdar. Kógildir ekran aldynda tapjylmaı otyryp, qyzý qoldaý kórsetken adaljúrek jankúıerlerdi, kúlli eldi shat-shadyman kóńil-kúıge bóledińizder.
Qalyń Qazaq eli О́zderińizdeı eńbekqor, qaısar fýtbolshylardy, talapshyl da tájirıbeli bapkerlerdi maqtan tutady. Kele jatqan mańyzdy matchta ózgelerge uqsamaıtyn kelisti oıyndaryńyz, qaısar minezderińiz, jeńiske degen jigerlerińiz saltanat quryp, qarsylastan basym túse berýlerińizge tilektespin. Biz Sizder úshin sońǵy sekýndqa deıin qoldaý kórsetemiz», dep jazylǵan mınıstrdiń quttyqtaý hatynda.