Reseı Federasııasynyń Prezıdenti Vladımır Pýtın Qazaqstanǵa AES qurylysyna kómektesýdi usyndy, dep jazady Egemen.kz.
«Beıbit atom energııasy salasyna qatysty. Biz kórshilerimizdiń, dostarymyzdyń, odaqtastarymyzdyń, sonyń ishinde Qazaqstanda atom energııasyn damytý jónindegi josparyn muqııat qadaǵalap otyrmyz. Reseı seriktesterine, onyń ishinde Qazaqstanǵa, eger osyndaı sheshim qabyldaıtyn bolsańyz, AES qurylysy men jumysyna kómek pen qoldaý kórsetýdi usynady», dedi Pýtın XVII О́ńiraralyq yntymaqtastyq forýmynda.
Onyń aıtýynsha, sóz respýblıkada reseılik konstrýksııaly AES salý týraly bolyp otyr.
«Biz, sondaı-aq Reseıdiń joǵary oqý oryndarynda atom energııasyn qoldanýǵa baılanysty jańa mamandyqtar boıynsha kadr daıarlaýdy qamtıtyn tutas salany qurý týraly aıtyp otyrmyz. Reseılik mamandar gazdy tazartatyn tıimdi qondyrǵylardy iske qosyp, tehnologııalardy jetildirip, atmosferaǵa túsetin júktemeni únemi tómendetýge tyrysady», dep atap ótti Reseı Federasııasynyń Prezıdenti.
Tutastaı alǵanda, ol Reseı men Qazaqstannyń ekologııa jáne jasyl damý salasyndaǵy birlesken jumysynyń múmkindigi keń ekenin atap ótti.
Esterińizge sala keteıik, Qazaqstanda AES salý máselesi birneshe ret kóterilgen.