Qazirgi ýaqytta elektr energııasy men qýaty kúrdeli jaǵdaıda. Oǵan Qazaqstan BEJ-inde elektr energııasyn tutynýdyń qarqynynyń ósýi áser etken, dep jazady Egemen.kz.
«2021 jyldyń 9 aıynda 2020 jyldyń sáıkes kezeńimen salystyrǵanda tutyný ósimi ońtústik aımaqta - 11,8%, soltústik aımaqta - 5,8% jáne batys aımaqta 6,6%-dy quraǵan.Qarbalas ýaqytta qýatty tutyný ótken jylǵy mánnen 1000-1500MVt-qa artyq. Bul qýat tutas bir oblystyń tutynýymen teń. Mysaly, Almaty oblysynyń tutynýymen birdeı», dep jazady «KEGOC» AQ.
Jaǵdaıdyń kúrdelenýine QR BEJ Elektr stansııalaryndaǵy avarııalyq jáne josparlanbaǵan jóndeýlerdiń kóp bolýy jáne generasııalaıtyn qýat tapshylyǵy da áser etip otyr. Mysaly, generasııany avarııalyq ajyratýdyń uzaqtyǵy byltyrmen salystyrǵanda 25%-ǵa ulǵaıǵan.
«Bul rette jabdyqtyń jekelegen túrleri boıynsha bul kórsetkishtiń ósýi aıtarlyqtaı joǵary: týrboagregattardyń avarııalyq toqtatylý uzaqtyǵy 2 eseden astam shamaǵa ósti (+134%, 2020 jyly 12177 saǵat, 2021 jyly 28550 saǵat), gaz týrbınalarynyń avarııalyq toqtatylý uzaqtyǵy 43%-ǵa, energııa bloktyq jabdyqtyń 18%-ǵa ósti», dep jazylǵan habarlamada.
Generasııanyń jetispeýshiligi tutynýshylardyń qanaǵattandyrýǵa múmkindik bermeıtin ahýalǵa ákelgen. Bul óz kezeginde Qazaqstan BEJ tutynýshylarynyń josparly shamalardan aýytqýlyna ákelip soǵady. Energııa júıesi boıynsha qýattyń aýytqýy shamamen 1000 MVt quraıdy, sonyń ishinde tek Qazaqstan BEJ-iniń ońtústik aımaǵy boıynsha aýytqý shamasy 700 MVt-tan asady.
«Generasııanyń jetispeýshiligi, qýat pen elektr energııasynyń aýytqýy Qazaqstan BEJ turaqtylyǵynyń buzylýyna qaýip tóndiredi – iri júıelik avarııanyń paıda bolý qaýpi bar. Keshki maksımým saǵattarynda Qazaqstan BEJ-iniń Soltústik-Ońtústik tranzıti boıynsha elektr energııasynyń aǵyny ruqsattyq mánnen asyp túsedi. Generasııanyń ıeliktegi rezervteriniń tolyq taýsylýyna baılanysty tutynýshylar úshin avarııalyq isten shyqqan generasııany almastyrý jáne josparly ımportty iske asyrý maqsatynda shektes energııa júıelerinen josparly jetkizýdi júzege asyrý qajettiligin atap ótemiz», dep eskertedi qoǵamdastyq.
Qazaqstan Respýblıkasynyń zańnamasyna sáıkes, «KEGOC» AQ Júıelik operator retinde Qazaqstan Respýblıkasynyń Birtutas elektr energetıkalyq júıesi jumysynyń senimdiligin qamtamasyz etýge mindetti. Jospardan tys tutyný oryn alǵan jaǵdaıda, «KEGOC» AQ qoldanystaǵy zańnama talaptaryna sáıkes tutyný rejımin saqtaý úshin tutynýshylardyń jekelegen sanattaryna shara qabyldaýǵa májbúr bolady.
«2021 jylǵy 5 qazanda Júıelik operatorǵa júktelgen mindettemelerdi oryndaý sheńberinde jergilikti atqarýshy organdarmen kelisilgen kestelerge sáıkes tutynýdy shekteý boıynsha mynadaı is-sharalar júrgizildi: «AJK» AQ jelilerindegi shekteýler - 75 MVt. (asyp ketý 160 MVt, dıapazonynan tys 90 MVt). «Qyzylorda TEK» AQ jelilerinde shekteý - 31 MVt (asyp ketý 39 MVt, 33 MVt). «Enegix» AQ shekteýleri - 68 MVt (asyp ketý 100 MVt, dıapazonynan tys 90 MVt)», dep jazylǵan habarlamada.