Tómende kórsetilgen kóppáterli turǵyn úı keshenderinde qoldanystaǵy zańnamany aınalyp ótip jasalǵan barlyq mámile – aldyn ala brondaý sharty, rezervteý sharty, ınvestısııalaý sharty, talap etý quqyǵyn basqaǵa berý sharty jaramsyz bolyp sanalady. Bul týraly Egemen.kz elorda ákimdiginiń resmı saıtyna silteme jasap habarlaıdy.
Nur-Sultan qalasynyń ákimdigi óz qarajatyńyzǵa saq bolýdy suraıdy. Ruqsat qujattary bolmaǵan jaǵdaıda turǵyn úı satyp alýdy keńes etpeıdi.
«Turǵyn úı qurylysyna úlestik qatysý týraly» Qazaqstan Respýblıkasynyń zańnamasynda úleskerlerdiń qarajatyn tıisti ruqsatsyz qabyldaýǵa tyıym salynady. Bul rette Qazaqstan Respýblıkasynyń Ákimshilik quqyq buzýshylyq týraly kodeksiniń 320-baby, sondaı-aq Qazaqstan Respýblıkasy Qylmystyq kodeksiniń 214-baby boıynsha kásipkerlik qyzmettiń tyıym salynǵan túrlerimen aınalysqany úshin jaýapkershilik kózdelgen.
Aıta keteıik, úleskerlerdiń aqshasyn qabyldaýǵa quqyǵy joq qurylys salýshylardyń tizimi qurylysy aıaqtalý satysyndaǵy nysandar tiziminen shyǵarý jolymen jáne jańa nysandardy qosý jolymen júıeli túrde jańartylady.
Úleskerlerdiń aqshasyn qabyldaýǵa berilgen ruqsattar týraly aqparat «Nur-Sultan qalasynyń sáýlet, qala qurylysy jáne jer qatynastary basqarmasy» MM saıtynda ornalasqan.
Barlyq suraqtar boıynsha kelesi telefondarǵa habarlasý qajet: 8 (7172) – 55-04-28, 55-04-30, 8 771 605 17 14.
Úleskerlerdiń qarajatyn qabyldaýǵa quqyǵy joq qurylys salýshylardyń tizimimen myna jerde tanysýǵa bolady:
Tizim