Halyq Qaharmany Ǵazız Baıtasov atyndaǵy oqý-jattyǵý polıgonynyń aýmaǵynda Jambyl oblysynyń ákimi Berdibek Saparbaevtyń qatysýymen óńirlik jedel shtab basshylyǵymen jedel-taktıkalyq oqý-jattyǵý ótti, dep habarlaıdy Egemen.kz.
Polısııa, tótenshe jaǵdaılar, ulttyq qaýipsizdik departamentteriniń qyzmetkerleri, «Ońtústik» óńirlik qolbasshylyǵynyń, QR Ulttyq ulanynyń áskerı qyzmetshileri qatysqan oqý-jattyǵý barysynda tótenshe oqıǵalar týyndaǵan jaǵdaıda tıisti organdardyń is-qımyldarynyń ózara úılesimdi áreketteri pysyqtaldy.
Sharaǵa barlyǵy 2088 qyzmetker, 70 birlik tehnıka jumyldyryldy.
Oqý-jattyǵý memlekettik organdardyń ózara áreketin jetildirý, tótenshe jaǵdaılar kezindegi qaýip-qaterlerge jedel shtabtyń kúshi men daıyndyǵyn arttyrý, is-qımyl algorıtmin pysyqtaý, barlyq memlekettik organdardyń tótenshe jaǵdaılardyń aldyn alý boıynsha jospardy oryndaý maqsatyna negizdeldi.
Barlyq organdardyń úılesimdi is-áreketteriniń nátıjesinde oqý-jattyǵýlarda kózdelgen mindetter tolyǵymen oryndaldy.
О́ńir basshysy belsendi qatysqan barlyq qyzmetkerlerge alǵys aıtyp, oqý-jattyǵýdyń qorytyndysyn joǵary baǵalady.