Iraqtaǵy uzaqqa sozylǵan saıası jáne ekonomıkalyq daǵdarystan keıin merziminen buryn parlamenttik saılaý ótip jatyr, dep habarlaıdy Egemen.kz.
Saılaý ýchaskeleriniń aınalasynda qaýipsizdik sharalary kúsheıtildi. Saılaý ýchaskeleri jergilikti ýaqyt boıynsha 20.00-de jabylady.
Saılaý ýchaskelerine uıaly telefondar kirgizilmeıdi. Áýejaılar men qurlyq shekaralary daýys berý aıaqtalǵansha jabylady.
El parlamentindegi 329 oryn úshin 3 249 úmitker kúresýde. Daýys berýge 877 sheteldik baqylaýshy qatysady.
Elde 24 mıllıon adam daýys berý quqyǵyna ıe.Irak joǵary saılaý komıssııasy daýys berý nátıjelerin 24 saǵat ishinde jarııalaıdy.