Qazaqstannyń – 1-shi, álemniń 16-raketkasy Elena Rybakına Indıan-Ýells (AQSh) WTA 1000 týrnıriniń juptyq synynda shırek fınalǵa shyqty, dep habarlaıdy Egemen.kz.
E.Rybakına reseılik Veronıka Kýdermetovamen birge ekinshi aınalymda chılılik Aleksa Gýarachı – amerıkalyq Dezıre Kravchıkpen sheberlik baıqasty. Qazaqstandyq-reseılik jup birinshi partııada basymdylyq tanytty – 6:3. Ekinshi sette taı-breıkte chılılik-amerıkalyq juptyń joly boldy – 7:6 (7:2).
Sýper taı-breıkte Rybakına men Kýdermetova qarsylastaryna birde-bir upaı bergen joq – 10:0. Qazaqstandyq-reseılik jup 1 saǵat 43 mınýtqa sozylǵan tartysty match barysynda 3 eıs jasap, 10 breık-poınttyń tórteýin paıdalandy. Qarsylastary 2 breıkten (7 breık-poınt) asa almady. E.Rybakına men V.Kýdermetova jartylaı fınalǵa shyǵý úshin chehııalyqtar Marııa Boýzkova – Lýsııa Gradeskaıamen talasady.