Almaty oblysynda esirtki satýshyny ustaý boıynsha arnaıy operasııa ótti, dep habarlaıdy Egemen.kz.
Oblystyq polısııanyń málimetinshe, qyrkúıek aıynda Talǵar aýdanyndaǵy aýyl turǵyny esirtki zattaryn satýmen aınalysatyny belgili boldy.
Jedel-izdestirý is-sharalaryn júrgizý kezinde 45 jastaǵy er adamnan salmaǵy 5,07 gramm «gashısh» esirtki zaty dep tanylǵan zat satyp alyndy.
Atalǵan fakt QR QK-niń 297-baby 1-bóligi «esirtki zattaryn iri mólsherde zańsyz ótkizý» boıynsha SDTBT-de tirkeldi.
«11 qazanda arnaıy operasııa barysynda tártip saqshylary kúdikti júrip bara jatqan jeńil kólikti toqtatty. Kýágerlerdiń qatysýymen jeke tintý kezinde odan erekshe ıisi bar, 4 polıetılen túıinshekke ólshep oralǵan, ósimdikten alynǵan jasyl tústi zat alyndy. Saraptama bul zatty salmaǵy 228,14 gramm «gashısh» esirtki quraly dep tanydy», dep málimdedi vedomstvoda.
Kúdikti bultartpaý sharasyn tańdaý týraly máselege deıin ÝUI-ǵa qamaldy. О́zge aqparat QR QIJK 201-babyna sáıkes tergeý múddesinde jarııa etilmeıdi.