Nur-Sultanda jeńil kólik motosıklmen soqtyǵysyp, 1 adam mert boldy, dep habarlaıdy Egemen.kz.
Baspasóz qyzmetiniń derekterine qaraǵanda, 17 qazan kúni saǵat 16:54 shamasynda «Daewoo Nexıa» kóliginiń júrgizýshisi Abylaı han dańǵylymen ketip bara jatyp, Jansúgirov kóshesimen qıylysatyn tusta motosıklmen soqtyǵysqan. Sonyń saldarynan motosıkldiń júrgizýshisi oqıǵa ornynda mert boldy. Osy oqıǵa boıynsha sotqa deıingi tekserý bastaldy.
Polısııa departamenti júrgizýshilerge jolda óte saq bolyp, jol erejesin qatań saqtaý kerektigin eskertedi.