Perm ólkesindegi mektepterdiń birinde 12 jasar bala oq jaýdyrdy, dep habarlaıdy Egemen.kz.
«Sars kentiniń altynshy synyp oqýshysy oqý ornyna myltyq ákelip, eki oq atqan. Zardap shekkender joq», delingen Mash Telegram arnasynyń habarlamasynda.
«Permdegi mektepke qarý-jaraqpen kelgen mergen - altynshy synyp oqýshysy Dıma Gýbaev. Ol qarýdy ákesinen urlap ketken. Oqıǵa tańerteń sabaq bastalǵanǵa deıin bolǵan jáne mektepte balalar az bolǵan», delingen Baza Telegram arnasynyń habarlamasynda.
Mash málimetteri boıynsha, altynshy synyp oqýshysy osylaısha synyptastarynan kek alǵysy keldi.
«Búgin saǵat 08:00-de (Nur-Sultan ýaqyty boıynsha 09:00) Perm ólkesiniń Oktıabr qalalyq okrýginiń polısııa bólimine kámeletke tolmaǵan balanyń mektepte qabyrǵa men tóbege eki oq atqany týraly habarlama keldi. Oqıǵa saldarynan eshkim zardap shekken joq. Jasóspirim ustaldy», dedi RIA Novostı Reseıdiń Perm ólkesindegi IIM MM-ge silteme jasap.